- පෘතුගාලයේ සුපිරි පාපන්දු ක්‍රීඩක ක්‍රිස්ටියානෝ රොනල්ඩෝට කොරෝනා වයිරසය ආසාදනය වී ඇතැයි වාර්තා වේ. ස්වීඩනයේ පැවැත්වෙන යුරෝපා නේෂන් කුසලාන පාපන්දු තරගාවලිය අතරතුර සිදු කළ පරීක්ෂණයකින් අනතුරුව මෙලෙස රොනල්ඩෝට වයිරසය ආසාදනය වී ඇති බවට තහවුරු වී ඇති අතර, ඔහුගේ තත්ත්වය බරපතළ නොවන බව ද වාර්තා වෙයි. රෝග ලක්ෂණ නැති වුවද ඔහු හුදෙකලා තත්ත්වයේ සිටින බව ද පෘතුගාල පාපන්දු සම්මේලනය කියා සිටී. පාපන්දු ක්‍රීඩක ක්‍රිස්ටියානෝ රොනාල්ඩෝ ඉතාලිය බලා පිටත්ව ඇති බවට ද විදෙස් මාධ්‍ය වාර්තාකර සිටී. නිරෝධායනය සහ වැඩිදුර ප්‍රතිකාර සඳහා ඔහුව මෙලෙස ඉතාලිය බලා රැගෙන ගොස් ඇති අතර මේ ගමන සඳහා ඔහු වෙනුවෙන්ම සූදානම් කළ හදිසි ‘ගිලන් ගුවන් යානය’ ක් සූදානම් කර ඇත.
