ශ්රී ලංකාවේ අංක එකේ පාවහන් නිෂ්පාදකයා වන DSI ආයතනය, මෙරට ජාතික ක්රීඩාව වන වොලිබෝල් ක්රීඩාව නගා සිටුවීම වෙනුවෙන් වසර 23 ක් පුරාවට ලබාදුන් අනුග්රහය තවදුරටත් ඉදිරියට ගෙනයමින්, 24 වැනි DSI සුපර් ස්පෝර්ට්ස් පාසල් වොලිබෝල් තරගාවලිය සඳහා ද අනුග්රහය දැක්වීමට ඉදිරිපත් වී තිබේ.
පසුගියදා කොළඹදී පැවැති මාධ්ය හමුවකදී, DSI ආයතනයේ කළමනාකාර අධ්යක්ෂ තුසිත රාජපක්ෂ මහතා විසින් ශ්රී ලංකා වොලිබෝල් සම්මේලනයේ සභාපති, නියෝජ්ය පොලිස්පති සජීව මැදිවත්ත මහතා වෙත නිල අනුග්රාහක චෙක්පත පිළිගන්වනු ලැබීය.
වොලිබෝල් පිටියට දායාද කළ දක්ෂයින්
මාධ්ය හමුව ඇමතූ තුසිත රාජපක්ෂ මහතා විශේෂ ප්රකාශයක් කරමින් සඳහන් කළේ, පසුගිය වසර 23 පුරාවට පැවැත්වූ තරගාවලි හරහා ශ්රී ලංකා ජාතික කණ්ඩායම නියෝජනය කිරීමට වොලිබෝල් ක්රීඩක ක්රීඩිකාවන් 400 කට අධික පිරිසක් බිහිකිරීමට හැකිවීම පිළිබඳව DSI ආයතනය නිහතමානීව ආඩම්බර වන බවයි.
තරගාවලියේ කාලසටහන සහ විස්තර
ශ්රී ලංකා පාසල් වොලිබෝල් සංගමයේ පූර්ණ සහයෝගය ඇතිව මෙවරත් තරගාවලිය වයස් කාණ්ඩ 05 ක් යටතේ බාලක සහ බාලිකා අංශ දෙකෙන්ම පැවැත්වේ.
- වයස් කාණ්ඩ: අවුරුදු 11, 13, 15, 17 සහ 19 න් පහළ.
- දිස්ත්රික් මට්ටමේ තරග: ජුනි 10 සිට අගෝස්තු 10 දක්වා (සති අන්ත දිනවලදී).
- ජාතික මට්ටමේ තරග: ඔක්තෝබර් 01 සිට 05 දක්වා.
- අවසන් මහා තරග: නොවැම්බර් 14 සහ 15 යන දිනවල කොළඹ සුගතදාස ගෘහස්ථ ක්රීඩාංගනයේදී.
අයදුම්පත් යොමු කිරීම
තරගාවලියට සහභාගී වීමට අපේක්ෂා කරන පාසල් කණ්ඩායම් සඳහා වන අයදුම්පත් දැන් නිකුත් කර ඇත.
අයදුම්පත් ලබා ගැනීම: දිවයින පුරා පිහිටි ඕනෑම DSI වෙළඳසැලකින්. අයදුම්පත් භාරගන්නා අවසන් දිනය: මැයි 20 වැනිදා.
තරගාවලිය පිළිබඳ වැඩිදුර තොරතුරු දැනගැනීම සඳහා පාසල් වොලිබෝල් සංගමයේ ලේකම්වරයා 0718014414 යන දුරකථන අංකය ඔස්සේ සම්බන්ධ කර ගත හැකිය.
පුවත් වාර්තාව: සීවලී එදිරිවීර
