ශ්‍රී ලංකා – ඇෆ්ගනිස්ථාන දෙවැනි සහ තුන්වැනි 20-20 තරගවල ප්‍රවේශ පත්‍ර මේවන විට විකිණී අවසන්ව තිබේ
දෙරට අතර, දෙවැනි 20-20 තරගය හෙට දඹුල්ලේදී පැවැත්වීමට නියමිතය.
ශ්‍රී ලංකා ක්‍රිකට් ආයතනය අද සඳහන් කළේ, හෙට සහ ලබන 21 පැවැත්වෙන තරග දෙකෙහි ප්‍රවේශ පත්‍ර විකිණී අවසන් බැවින් එම ප්‍රවේශ පත්‍ර කවුලු වසා තැබීමට පියවර ගත් බවයි.
ඒ අනුව, තරග නැරඹීමට ප්‍රවේශ පත්‍ර ගැනීමේ බලාපොරොත්තුවෙන් කොළඹ සහ දඹුල්ලේ පිහිටුවා තිබූ කවුලු වෙත පැමිණීමෙන් වළකින ලෙස ක්‍රීඩා ලෝලීන්ගෙන් ඉල්ලීමක් කර තිබේ .
